యుద్దం – రోజుకు రెండుసార్లు
యుధ్దం ఎంత భయంకరంగా ఉంటుందో తెలుసా….??? నాకు తెలుసు…!!! యుద్దం ఆంటే..హైద్రాబాద్ ట్రాఫిక్ అంత భయంకరంగా ఉంటుంది. ఒక సారి మొదలెట్టామా…ఇక ఆపడానికి ఉండదు. అంటే..రయ్యి రయ్యి మని సాగిపోవచ్చు…ఆగేది ఉండదు అని కాదు. నీకు విసుగు పుట్టి…బండి వదిలేసి..వెళ్ళిపోదామన్నా కుదరదు అని…అన్న మాట!!
విజయవాడలో ఉన్నన్నాళ్ళు…చేతిలో ఎక్సలేటరు.. ఎదురుగా రోడ్డు…! చేతిలో ఎక్సలేటరు.. ఎదురుగా రోడ్డు…! చేతిలో ఎక్సలేటరు.. ఎదురుగా రోడ్డు…! అదే పనిగా సాగిపోయేవాడిని. అట్లా సాగితే స్టోరీలో ట్విస్ట్ ఏముంది. బ్లాగులోకి కొత్త టపాలు ఎలా వొస్తాయి!! కర్మ కాలి… సగం జీవితం సంక నాకిపోయి.. లైఫ్ క్రిటికల్ పొజీషన్లోకి వొచ్చెసింది అన్నదానికి గుర్తుగా వొచ్చి ఈ మహా నగరంలో పడ్డాను.
ఇక మీదట ఫ్రెండ్స్ ఎవరైనా కష్టపడుతున్నామని నాతో చెబితే వూరుకోను.
“కష్టాల గురించి మాట్లాడే ఇది మీకు లేదు. కష్టం అంటే ఏమిటో నాకు తెలుసు. నాకు మాత్రమే తెలుసు… కష్టం అంటే ఏమిటొ నేను చెబుతాను మీరు వినండి. ..
ఎప్పుడైనా మీకు సరదాగా బైక్ మీద తిరుగుదామని అనిపించినా… సరదా తీరిపోద్ది అని గుర్తొచ్చి మానుకున్నారా? నాకు అనిపించింది.!! నేను మానుకున్నాను.!
ఎప్పుడైనా సగం దారిలో…జీవితం మీద విసుగొచ్చి..బండి అక్కడే వదిలేసి…చక్కగా…ఆ దుమ్మునే పిల్ల గాలిలా వూహించుకుంటూ నడుచుకుంటూ వెళ్దాం అనిపించిందా? నాకు అనిపించింది.!
ఎప్పుడైనా తెలియని శక్తి ఏదో నీ ఓర్పుని హరించి… నీ సహనాన్ని సావగొట్టి.. నీ భుజాల మీదకెక్కి పట్టపగలు చుక్కలు చూపించిందా ? నాకు అనిపించింది. “
ఇప్పుడు ఒక జనరల్ కొచ్చిన్ …
ప్రశ్న: హైద్రాబాద్లో పాదచారులు రోడ్డులో ఎక్కడ నడుస్తారు ?
అ) ఫుట్పాత్ మీద
ఆ) రోడ్డు డివైడర్ మీద
ఇ) రోడ్డు మధ్యలో
ఈ) రోడ్డుకి అడ్డంగా
పోనీ ఇదంతా ఎందుకూ…బస్కి వెళ్దామా అంటే.. అది యుద్దానికి ఎక్కువ…నరకానికి తక్కువ. !!
Comments (4 comments)
ఈ ఆర్టికల్ చదువుతుంటే హైద్రాబాద్ లో అసలు వుండాలంటే భయం వేసేల వుంది. కాదు కాదు రైటర్ గారు అలా రాసారు. మరి విజయవాడ లో అసలు ట్రాఫిక్ లేకుండా ,సింగపూర్ లా వుంటుందేమో మరి……నాకు తెలిసి హైద్రాబాద్లో ట్రాఫిక్ ఎక్కువైనా, కనీసం రోడ్స్ విశాలం గా వుంటాయి.. కనీసం క్లియర్ చెయ్యడానికి ఏదైనా ప్రయత్నం అయినా చేస్తుంటారు. కాని విజయవాడ రోడ్స్ మరీ హారిబుల్.. ఇంకా రెయినీ సీజన్ అయితే చెప్పనవసరం లేదు….
శాంతి / May 5th, 2008, 3:17 pm / #
ఖర్మకాలిపోయి, సగం జీవితం … ఈ డైలాగు ఎప్పుడువిన్నా నవ్వువస్తుంది. బ్రహ్మీ, సాహూల డైలాగులతో భలే రాశారు.
)
జీవితం క్రిటికల్ పొజిషన్లోకి వచ్చిందంటే హైదరాబాదులో నివాసం చెయ్యాల్సిన పరిస్థితి దాపురించడమన్నమాట!
రానారె / May 6th, 2008, 7:44 am / #
ఇంకా హైదరాబాద్ లో ట్రాఫిక్ కాకుండా చాలా ఉన్నాయి. ట్రాఫిక్ ఒకటి నెగటివ్ పాయింట్. పాజిటివ్ తీసుకుంటే హైదరాబాద్ కి చాల చరిత్ర వుంది.గొప్ప పర్యాటక స్థలం. చూడవలసినవి మంచి ప్లేసెస్ వున్నాయి. మనుష్యుల నైజమే అంత!!…ఎప్పుడైనా,ఎక్కడైనా,ఏ విషయం లో నైనా మంచి కంటే తప్పులే ఎక్కువగా చుస్తారనుకుంటా…..
శాంతి / May 6th, 2008, 11:42 am / #
జల్స సినిమా డైలాగులు బ్రహ్మీ డైలాగులు చాలా బా సూట్ అయ్యయి రాజు గారు
budaraju aswin / May 6th, 2008, 11:52 am / #
Post a comment